Bakı. Ləman Zeynalova, Cani Babayeva - Trend:
Avropa İttifaqı (Aİ) və Azərbaycan vahid aviasiya məkanı barədə sazişin əsas prinsiplərini razılaşdırıb.
Trend-in məlumatına görə, bunu Aİ-nin Azərbaycandakı nümayəndəliyinin rəhbəri Kestutis Yankauskas deyib.
Onun sözlərinə görə, ötən həftə Bakıda aviasiya ilə bağlı saziş üzrə danışıqların üçüncü mərhələsi keçirilib: "Danışıqlar demək olar ki, 48 saat fasiləsiz davam edib. Biz əsas mətni razılaşdırmışıq. Bu gün Xarici İşlər Nazirliyində növbəti görüşün tarixi və yerini müzakirə edəcəyik”.