Bakı. Trend:
InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.
EUR
Dünya valyuta birjalarında avronun qiyməti son bir həftə ərzində 1.2538$-a kimi 3% bahalaşdıqdan sonra artım dinamikası zəifləyib. Lakin hal-hazırda 1.2400$-ın üzərində ticarət edilən EUR/USD məzənnəsi, yenidən 1.2463$-a kimi bahalaşaraq üzərində möhkəmlənərsə, artım dalğası 1.2600 və 1.2877$-a kimi də güclənə bilər.
Bununla yanaşı, bu həftənin çərşənbə günü Bakı vaxtı ilə saat 14:00-da açıqlanacaq Avropanın inflyasiya və cümə günü saat 17:30-da açıqlanacaq ABŞ-ın əmək bazarı ilə bağlı önəmli fundamental göstəricilər, dünya birjalarında ticarət aktivliyini daha da gücləndirəcəkdir.
GBP
GBP/USD qiyməti də 1.41$-ın üzərində ticarət edilməkdədir. Təhlillərə əsasən, yanvar ayı ərzində 7%-ə kimi bahalaşan qiymət, 1.41$-ın üzərində qaldıqca, 1.4523$-a kimi də bahalaşacağı proqnozlaşdırılır.
Bu həftənin cümə axşamı və cümə günləri saat 13:30-da müvafiq olaraq açıqlanacaq İngiltərənin sənaye və tikinti sektorlarında biznes aktivliyini ölçən indeks məlumatları da investorların diqqət mərkəzindədir.
TRY
Türkiyə bazarlarında lirənin qiyməti 3.3% bahalaşdıqdan sonra korreskiyaya başlayıb. Lakin USD/TRY məzənnəsi üzrə təhlillərə əsasən, lirədə bahalaşma yenidən güclənə bilər. Belə ki, hal-hazırda 3.76TL-nin altında ticarət edilən qiymət, bu səviyyənin altında qaldıqca, 3.68TL-ə kimi də ucuzlaşa bilər.
OIL
Dünya birjalarında dolların ucuzlaşması, enerji bazarlarında da neft qiymətlərinin dəyər qazanmasına müsbət təsir edir. Belə ki, Avropanın Brent markalı neftinin bir barel qiyməti 70$-ın üzərində ticarət edilməkdədir. Qiymət isə 70.06$-ın üzərində qaldıqca, artım dalğasının hər an 73.07 və 75.51$-a kimi güclənəcəyi proqnozlaşdırılır.
GOLD
Əlvan metallar bazarlarında qızılın qiymətləri 1348$-ın üzərində ticarət edilməkdədir. Qızılın bir unsiya üzrə qiyməti də 1357$-ı (43.5 $/qram) yuxarı istiqamətdə qırarsa, artım dalğasının 1380$-a (44.3 $/qram) kimi davam edəcəyi proqnozlaşdırılır.
İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.
“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.
Risk bildirişi
Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.