...

PAŞA Bank ADA Universitetinin Təqaüd Proqramına maliyyə dəstəyi göstərəcək (FOTO)

İqtisadiyyat Materials 15 Noyabr 2018 13:17 (UTC +04:00)

Bakı. Trend:

Ölkənin aparıcı korporativ bankı PAŞA Bank ADA Universiteti ilə əməkdaşlıq çərçivəsində universitetin İnformasiya Texnologiyaları və Mühəndislik İnstitutunda təhsil alan və təhsil vaxtı fərqlənən tələbələrə təqaüd verəcək.

Ümumilikdə 2017-2018-ci tədris ili üzrə ADA Universitetində Kompüter Mühəndisliyi, İnformasiya Texnologiyaları və Kompüter Elmləri ixtisasları üzrə təhsil alan 50-yə yaxın tələbənin təqaüdü ADA Universiteti Fondu tərəfindən ödəniləcək. Təqaüd qazanmış gənclərə təqaüd kartlarının və sertifikatlarının təltif edilməsi mərasimi noyabrın 12-də ADA Universitetində baş tutub.

Qeyd edək ki, PAŞA Bank ADA Universitetinin İnformasiya Texnologiyaları və Mühəndislik fakültəsinin tərəfdaşıdır və fakültənin rəhbərliyi altında 2018-ci ildə həyata keçirilən bir sıra tədbirlərin sponsoru qismində çıxış edir. Belə ki, ilin əvvəlindən PAŞA Bank 4-cü beynəlxalq ”Big Data Day” forumu, eləcə də mühəndislik və robototexnika üzrə məktəblər-arası yarışın keçirilməsinə də dəstək göstərib.

Məqalədə:
Xəbər lenti

Xəbər lenti