Bakı. Taleh Mursaqulov - Trend:
Yanvarın 8-də həyata keçirilməli olan “Qatar Airways”şirkətinin Doha-Bakı-Doha aviareysi ləğv edilib.
Trend bu barədə Heydər Əliyev Beynəlxalq Aeroportunun onlayn tablosuna istinadən xəbər verir.
Qeyd olunur ki, Doha vaxtı ilə saat 11:35-ə nəzərdə tutulan Dohadan Bakıya olan “QR 351” saylı uçuş ləğv olunub.
Bundan başqa, “Qatar Airways” aviaşirkətinin yerli vaxtla saat 12:35-də Bakıdan Dohaya olan “QR 352” saylı uçuşu da ləğv olunub. Aviareyslər “Airbus A320-200” təyyarəsi ilə həyata keçirilməli idi.
Doha-Bakı-Doha aviareysinin hansı səbəbdən təxirə salındığı məlum deyil.