...

Mərkəzi Bankla Visa təşkilatı arasında Anlaşma Memorandumu imzalanıb

İqtisadiyyat Materials 30 İyul 2019 18:32 (UTC +04:00)
Azərbaycan Mərkəzi Bankı (AMB) və “Visa” Beynəlxalq Xidmət Assosiasiyası arasında qarşılıqlı əməkdaşlıq istiqamətlərinin müəyyənləşdirilməsi məqsədilə anlaşma memorandumu imzalanıb.
Mərkəzi Bankla Visa təşkilatı arasında Anlaşma Memorandumu imzalanıb

Trend-i buradan izləyin

Bakı. Trend:

Azərbaycan Mərkəzi Bankı (AMB) və “Visa” Beynəlxalq Xidmət Assosiasiyası arasında “2018–2020-ci illərdə Azərbaycan Respublikasında rəqəmsal ödənişlərin genişləndirilməsi üzrə Dövlət Proqramı”nda nəzərdə tutulmuş tədbirlərin icrası çərçivəsində qarşılıqlı əməkdaşlıq istiqamətlərinin müəyyənləşdirilməsi məqsədilə anlaşma memorandumu imzalanıb.

AMB-dən Trend-ə bildirilib ki, memorandum çərçivəsində elektron ticarət, mobil ödənişlərin inkişafı, iqtisadiyyatın ayrı-ayrı sahələrində müasir ödəniş alətlərindən istifadə imkanlarının yaradılması və maliyyə savadlılığı sahəsində birgə əməkdaşlıq fəaliyyətinin təşkili üzrə razılığa gəlinib. Eyni zamanda, iki qurum tərəfindən 2020-ci ilin sonunadək nağdsız ödənişlərin stimullaşdırılması məqsədilə Bakı və regionlarda birgə lotereyanın keçirilməsi, nağdsız ödənişlərin təbliğatı, müasir ödəniş həllərinin təşviqi və cari vəziyyətin qiymətləndirilməsi üzrə təhlillərin aparılması istiqamətində tədbirlərin həyata keçirilməsi nəzərdə tutulub.

Mərkəzi Bank ölkədə elektron bankçılıq və rəqəmsal ödənişlərin inkişafı və innovativ maliyyə texnologiyalarının ölkəmizdə tətbiqi üzrə verilən təşəbbüsləri davamlı olaraq dəstəkləyir və bu sahədə beynəlxalq təşkilatlarla əməkdaşlıq əlaqələrinin qurulmasını daim diqqət mərkəzində saxlayır.

Məqalədə:
Xəbər lenti

Xəbər lenti