Bakı. Trend:
Türkiyə 2021-ci ilin yanvar-iyul aylarında Türkmənistana xalça ixracını ötən ilin eyni dövrü ilə müqayisədə 102,3 faiz artıraraq 2,583 milyon dollara çatdırıb.
Bu barədə Trend-ə Türkiyə Ticarət Nazirliyindən məlumat verilib.
İyul ayında Türkiyə Türkmənistana xalça ixracatını 2020-ci ilin eyni ayı ilə müqayisədə 112 faiz - 397 min dollara qədər artırıb.
Ümumilikdə Türkiyə yanvar-iyul aylarında xalça ixracını keçən ilin eyni dövrü ilə müqayisədə 41,5 faiz artıraraq 1,831 milyard dollara çatdırıb.
İyul ayında Türkiyə 215 milyon dollarlıq xalça ixrac edib ki, bu da 2020-ci ilin eyni dövründən ilə müqayisədə 13,7 faiz azdır.
Son 12 ayda (İyul 2020 - İyul 2021) Türkiyə xalça ixracı 3,14 milyard dollar təşkil edib.