Bakı. Çingiz Səfərli - Trend:
Özünüməşğulluq proqramı çərçivəsində təsərrüfatların qurulması üçün verilən heyvanları vətəndaşlar özləri seçir.
Bunu Trend-ə açıqlamasında Dövlət Məşğulluq Agentliyinin mətbuat katibi Əsmər Nəcməddinqızı deyib.
O bildirib ki, paylanış prosesində vətəndaşın birbaşa iştirakı təmin edilir: "Heyvanların sağlamlığına və təsərrüfat artımı üçün yararlılığına dair həm baytarlıq rəyi, həm də AQTA-nın rəyi olur. Heyvanların iqlimə uyğunlaşmaması ilə bağlı bir problem yoxdur. Eyni zamanda, vətəndaşla təhvil-təslim aktı imzalanır. Bütün qeyd edilən sənədlər, təhvil-təslim zamanı çəkilən foto və video çəkilişlər nazirliyin saytında yerləşdirilir. Özünüməşğulluq proqramı iştirakçılarına verilən aktivlərlə bağlı məlumatlar ictimaiyyətə açıqdır. İstənilən şəxs sayta daxil olaraq bu məlumatlarla tanış ola bilər".
Twitter:@cingizsafarli