Bakı. Trend:
2022-ci ilin yanvar-may aylarında ictimai iaşə dövriyyəsi 2021-ci ilin müvafiq dövrü ilə müqayisədə real ifadədə 1,6 dəfə artaraq 503,4 milyon manat olub.
Bu barədə Trend-ə Dövlət Statistika Komitəsindən məlumat verilib.
Özəl sektorda ictimai iaşə dövriyyəsinin 49,7 faizi hüquqi şəxslərin, 50,3 faizi isə bu sahədə sahibkarlıq fəaliyyəti ilə məşğul olan fiziki şəxslərin payına düşür. Hüquqi şəxslər üzrə dövriyyə 2021-ci ilin yanvar-may ayları ilə müqayisədə 1,6 dəfə artaraq 247,7 milyon manat olub.