Bakı. Trend:
Azərbaycan azad edilmiş ərazilərdə 760 kilometr avtomobil yolu, 340 kilometr dəmir yolu və 50-dən çox elektrik stansiyasının bərpası və tikintisini layihələndirib.
Trend-in məlumatına görə, bunu bu gün jurnalistlərə İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı deyib.
O bildirib ki, hökumət İraq, Əfqanıstan, Yaponiya, Avropa ölkələrinin post-münaqişə bərpası təcrübəsini öyrənib.
"Çox qısa müddət ərzində biz iki beynəlxalq hava limanı inşa etdik, 760 kilometr avtomobil yolu, 340 kilometr dəmir yolu və 50-dən çox elektrik stansiyasının bərpası və tikintisini layihələndirdik. Biz, həmçinin kənd təsərrüfatı sahəsində plan hazırlamışıq", - deyə o bildirib.