Bakı. Trend:
Azərbaycanın azad edilmiş ərazilərində təsərrüfat fəaliyyəti ümumi daxili məhsula 3 faiz, qeyri-neft ümumi daxili məhsula 5,1 faiz əlavə edəcək.
Trend-in məlumatına görə, bunu bu gün İqtisadi İslahatların Təhlili və Kommunikasiya Mərkəzinin rəhbəri Vüsal Qasımlı 44 günlük müharibədə Zəfərə həsr olunmuş elmi-praktik konfrans zamanı deyib.
Onun sözlərinə görə, kənd təsərrüfatı sektoru ölkədə istehsalı 10,1 faiz, dağ-mədən sənayesi 5,2 faiz artıracaq.
"Bundan başqa, biz emal sənayesinin 4,3 faiz, turizm sektorunun 5,5 faiz, nəqliyyat xidmətlərinin 4,9 faiz artımını gözləyirik", - deyə o bildirib.