...

Akkuyu AES "Türkiyə əsri"nin yeni nəsil enerji mərkəzi olacaq - Fatih Dönməz

İqtisadiyyat Materials 2 İyun 2023 16:41 (UTC +04:00)
Akkuyu AES "Türkiyə əsri"nin yeni nəsil enerji mərkəzi olacaq - Fatih Dönməz

Bakı. Trend:

Akkuyu Atom Elektrik Stansiyası Türkiyə əsrinin yeni nəsil enerji mərkəzi olacaq.

Trend TurkicWorld-a istinadən xəbər verir ki, bu sözləri ölkənin Energetika və Təbii sərvətlər naziri Fatih Dönməz öz rəsmi "Twitter" hesabında bildirib.

Türkiyəli nazir artıq AES-in tikintisinin qısa zamanda başa çatdırılacağını qeyd edib.

Qeyd edək ki, Akkuyu Atom Elektrik Stansiyası 2010-cu il mayın 12-də Türkiyə və Rusiya prezidentləri arasında imzalanmış müqavilə çərçivəsində Türkiyənin Mersin vilayətinin Büyükeceli bölgәsindә tikilib.

2018-ci ilin aprel ayında birinci reaktorun, 2020-ci ilin iyun ayında ikinci reaktorun, 2021-ci ilin mart ayında üçüncü reaktorun, 2022-ci ilin iyun ayında isə sonuncu reaktorun təməli qoyulub.

Aprelin 27-də Atom Elektrik Stansiyasına ilk yanacaq yüklənib.

Ümumi gücü 4 min 800 meqavat olan dörd blokdan ibarət Akkuyuda dörd reaktorun bir il fərqlə istifadəyə verilməsi planlaşdırılır. Dörd reaktorun istismara verildiyi zaman ildə cəmi 35 milyard kilovat-saat elektrik enerjisi istehsal ediləcək və Türkiyənin elektrik enerjisinə ehtiyacının təxminən 10 faizini qarşılayacağı gözlənilir. AES ilə ildə 17 milyon ton karbon emissiyasının qarşısı alınacaq.

Xəbər lenti

Xəbər lenti