Bakı. Trend:
Elektron pul sahəsin böyük maraq var və aktiv istifadəçilərin sayı daim artır.
Trend xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında Mərkəzi Bank (AMB) sədrinin birinci müavini Rəşad Orucov deyib.
Lakin o qeyd edib ki, bu gün elektron pul təşkilatları bazarındakı oyunçuların sayı və onların əməliyyat həcmi ilə bağlı dəqiq statistikanı aparmaq mümkün deyil.
“Yəqin ki "Ödəniş xidmətləri və ödəniş sistemləri haqqında" qanunun qəbulundan sonra bu statistika daha dəqiq olacaq. Amma bu sahəyə böyük maraq var və aktiv istifadəçilərin sayı daim artır”, - deyə R.Orucov bildirib.