Bakı. Trend:
Mərkəzi Bankın tələbinə əsasən, bankların likvidliyi 30 faizdən aşağı olmamalıdır. Bu gün həmin göstərici 60 faizdir.
Trend xəbər verir ki, bunu Azərbaycan Mərkəzi Bankının (AMB) sədri Taleh Kazımov AZTV-yə müsahibəsində bildirib.
"Bizim banklarımız kifayət qədər yüksək likvidliklə fəaliyyət göstərir. Maliyyə sektorundakı risklərdən biri də dollarizasiya riskidir. 2015-ci ildə dollarizasiya göstəricisi 85 faiz olub. Bu gün bu göstərici 37 faizdir. Bu da kifayət qədər böyük nailiyyətdir. Hər ay bu göstərici düşür, çünki əhalinin manata inamı hər gün artır", - o qeyd edib.