Bakı. Trend:
Azərbaycan-İran sərhədində yerləşən "Biləsuvar” gömrük postunda hazırda 55 avtomobil gözləyir.
Bu barədə Trend-ə Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyindən bildirilib.
Qeyd edilib ki, gömrük-sərhəd məntəqələrində çıxışda gözləmədə olan nəqliyyat vasitələrinin sayı barədə məlumata əsasən, “Astara” gömrük postunda 48, “Qırmızı Körpü” gömrük postunda 850, “Mazımqara” gömrük postunda 17, “Samur” gömrük postunda 12 və “Xanoba” gömrük postunda isə maşın yoxdur.
"AYNA gömrük-keçid məntəqələrində yük maşınlarının sayı ilə bağlı daşıyıcıların məlumatlandırılmasını davam etdirir. Bu da onlara səfərlərini planlayarkən gömrük postundakı mövcud vəziyyətə uyğun olaraq addım atmağa imkan yaradır", - deyə agentlikdən bildirilib.