Bakı. Trend:
ATƏT və Bakı Beynəlxalq Dəniz Ticarət Limanı “yaşıl” liman layihəsi çərçivəsində əməkdaşlığı müzakirə ediblər.
Trend xəbər verir ki, bunu aprelin 25-də ATƏT-in Baş katibi Feridun Sinirlioğlu Azərbaycan Respublikasının xarici işlər naziri Ceyhun Bayramov ilə birgə mətbuat konfransında bildirib.
"Bu gün səhər mən Bakı Beynəlxalq Dəniz Ticarət Limanına baş çəkdim, burada nəqliyyat və əlaqə sahəsində genişləndirilmiş əməkdaşlıq imkanlarını, eləcə də bu sahədə, o cümlədən Xəzər regionunda "yaşıl" limanların və davamlı əlaqənin təşviqi üzrə ATƏT-in layihəsi çərçivəsində davam etdirdiyimiz birgə işi müzakirə etdim", - o bildirib.