Azərbaycan, Bakı / Trend müxbir S.Babaeva/ Azərbaycan 17-24 noyabrda Romada keçiriləcək BMT-nin ərzaq və kənd təsərrüfatı təşkilatı konfransının (Food and Agriculture Organization of the United Nations) 34-cü sessiyasında iştirak edəcək. Kənd təsərrüfatı nazirliyindən verilən xəbərə görə, tədbirdə Azərbaycanı Kənd təsərrüfatı naziri İsmət Abasovun təmsil edəcəyi gözlənilir.
FAO üzvü olan ölkələr hər iki il konfransda yığışıb görülən işləri müzakirə edirlər, təşkilatın əsas fəaliyyət prinsipləri müəyyən edirlər, gələcək fəaliyyət proqramı və büdcəni qəbul edirlər. Bu konfransda 6 il müddətinə Baş direktor seçimi keçiriləcək. İndiki baş direktor Seneqaldan olan Jak Diuf 2000-ci ilin fanvarında ikinci müddətə seçilmişdir.
2005-ci ilin noyabrında FAO-nun 33-cü sessiyasında iştirak edən Azərbaycan, tədbir zamanı öz tam üzvlü səs hüququnu bərpa edib. Azərbaycan 1995\ci ilin oktyabrından FAO-nun üzvüdür.
FAO BMT-nin ilk ixtisaslaşmış qurumudur. Təşkilat 16 oktyabr 1945-ci ildə yaranıb və 150 üzvdən ibarətdir. Təşkilatın məqsədi kənd təsərrüfatə sahəsində texniki yardımı təşkil etməkdən, ərzaq mallarının istehsalının təşkilindən ibarətdir. FAO-nun mənzil qərargahı Romada yerləşir.
