Azərbaycan, Bakı, 17 mart / " , müxbir U.İsmayılova/ Yanvar-fevral ayları ərzində istehsal işlərində 10-dan artıq adam ölüb, 43 nəfər isə müxtəlif dərəcəli ağır xəsarət alıb. Bu barədə bazar ertəsi Azərbaycanın Əmək və Əhalinin Sosial Müdafiəsi Nazirliyi yanında Əmək Müfəttişliyindən məlumat verilib. Ümumilikdə bu dövr ərzində təxminən 55 bədbəxt hadisə baş verib.
"Bədbəxt hadisələrdən üçü tikinti sektorunda baş verib, tikinti işləri zamanı bir nəfər ölüb, iki nəfər müxtəlif dərəcəli xəsarət alıb" - deyə Müfəttişlikdən bildiriblər.
Müfəttişlik tərəfindən qoyulan cərimələrin məbləği yanvar-fevral aylarında 302 min manatı ötüb, bu məbləğin 222,3 min manatı əmək müqaviləsinin olmaması səbəbindən müəyyən olunub.
Müəlliflə əlaqə saxlamaq üçün elektron ünvan : [email protected]
