Azərbaycan, Bakı, 28 aprel/ Trend müxbir İ.Xəlilova/ Alman İnkişaf Bankı KfW Azərbaycanın 5 mln. avro dəyərində kənd yerlərinin aqromaliyyələşdirməsi layihəsinə cəlb edilən müvəkkil kredit təşkilatları ilə, onlar üçün kredit xətlərinin açılmasının ilkin şərtlərinin müzakirəsinə başlayıb. Bu barədə bazar ertəsi KfW-in Bakı ofisinin rəhbəri Natiq Abdullayev məlumat verib.
KfW seçimi iki Azərbaycan bankı və bir bank olmayan kredit təşkilatı üzərində saxlayıb. O, aqromaliyyələşdirməni bu kredit təşkilatları vasitəsilə həyata keçirəcək. Onların adları, kredit müqavilələri üzrə razılaşdırmaların başa çatmasınadək açıqlanmır. Müqavilələr ilin birinci yarısında imzalanacaq.
Alman bankı onlara subsidiyalaşdırılmış kreditlər ayrımaq niyyətindədir. Belə kreditlərin ikinci səviyyə kapitalına ödənilməsinə baxmayaraq, vəsaitlər kənd əhalisinin kreditləşdirilməsi üçün nəzərdə tutulub.
Birinci mərhələdə Şəki-Zaqatala və Qaxın kənd yerləri əhatə ediləcək.
Kreditlərin şərtləri bankların Alman-Azərbaycan Fondu vasitəsilə maliyyələşdirilməsinin şərtləri ilə oxşar olacaq.
Müəlliflə əlaqə saxlamaq üçün elektron ünvan: [email protected]
