Azərbaycan, Bakı, 22 may/ Trend müxbir S.Əliyev/ Bakı-Tbilisi-Qars marşrutu üzrə dəmir yolu əlaqəsinin Gürcüstan hissəsində tikinti işləri iyunda başlayacaq. Bu barədə çərşənbə günü Bakıda, Azərbaycan Dövlət Dəmir Yolunun baş mühəndisi Qurban Nəzirov məlumat verib.
Hazırda yolun səkkiz kilometrlik hissəsi üzrə layihə sənədləşdirməsinin hazırlanması başa çatdırılıb (ümumilikdə tikinti 29 km sahədə aparılacaq). O, təsdiq edilmək üçün Gürcüstan tərəfinə verilib. Tikinti işlərini tenderin qalibi - Azərbaycanın "Azerinşaatservis" həyata keçirəcək.
Bakı-Tbilisi-Qars maşrutu üzrə dəmir yolu əlaqəsinin Türkiyə hissəsinin tikintisinə başlama mərasimi də həmçinin iyunda baş tutacaq. Bu layihə çərçivəsində Türkiyə ərazisində 76 kilometr uzunluğunda çatışmayan dəmir yolu sahəsi tikiləcək.
Dəmir yolu əlaqəsinin açılması layihəsini 2009-cu ildə başa çatdırmaq planlaşdırılır. Bu vaxtadək Mərmərə layihəsi - Bosforun altı ilə tunnelin tikintisi bgaşa çatacaq. Bu Avropaya dəmir yolu əlaqəsi açmağa imkan verəcək.
Bakı-Tbilis-Qars dəmir yolu sahəsinin tikinti layihəsinin büdcəsi 2008-ci il üçün $107 mln. məbləğində müəyyən edilib.
Azərbaycanın "Azərinşaatservis" tikinti şirkəti Gürcüstanda 29 kilometrlik dəmir yolu sahəsinin tikintisi layihəsi üzrə tenderin qalibi olub və işlərin həyata keçirilməsinə başlayıb. "Azərinşaatservis" ilə bağlanan müqavilənin ümumi dəyəri $79 mln. təşkil edir. İşləri 2009-cu il oktyabrın 1-də tam başa çatdırmaq nəzərdə tutulur.
Gürcüstanda tikinti və layihə işləri Azərbaycanın $200 mln. məbləğində kredit vəsaitləri hesabına həyata keçirilir.
"Bakı-Tbilisi-Qars" layihəsi çərçivəsində yeni 105 kilometrlik dəmir yolu magistralı qolunun tikintisi planlaşdırılır. Onun 76 kilometri Türkiyə, 29 kilometri Gürcüstan ərazisindən keçəcək. Bundan əlavə, Gürcüstanda buraxma gücünü ildə 15 ton yükə çatdırmaq üçün 183 kilometrlik Axalkalaki-Marabda-Tbilisi dəmir yolu sahəsi yenidən qurulacaq. Axalkalakidə qatarların Gürcüstanda mövcud olan relslərdən Avropa relslərinə keçməsi üçün məntəqə tikmək planlaşdırılır. Layihə $422 mln. , müvafiq infrastruktur nəzərə alınmaqla isə $600 mln. qiymətləndirilir.
