Azərbaycan, Bakı, 27 may/ Trend , müxbir İ.Xəlilova/ Azərbaycan Beynəlxalq Bankı (ABB) çətin ki, 2008-ci ildə beynəlxalq kapital bazarlarında öz avrobondlarını yerləşdirsin. Bu barədə ABB İdarə Heyətinin sədri Cahangir Hacıyev məlumat verib.
"Hazırda avrobondların buraxılması üçün yaxşı vaxt deyil və buna görə də biz böhranın başa çatmasını gözləmək niyyətindəyik. Yəqin ki, böhran bu il başa çatmayacaq", - Hacıyev dəqiqləşdirib.
Onun rəyinə görə, dünya maliyyə bazarlarındakı vəziyyət qiymətli kağızların yerləşdirilməsi məqsədilə, bu bazarlara çıxmaq üçün kifayət qədər sabitləşməyib.
Maliyyə Nazirliyi ilə - dövlətin adından bankda 50,2 faiz səhmə malik sahibkarlara razılaşmaya əsasən, ABB beynəlxalq kapital bazarlarında öz avroistiqrazlarını suveren istiqrazlarla qarşılıqlı əlaqədə yerləşdirməyə hazırdır. ABB yarımdövlət bankı qalmaqda davam etdiyinə görə, avroistiqrazların debüt buraxılışının Maliyyə Nazirliyi tərəfindən həyata keçirilməsi üçün Azərbaycan üzrə "Bench Market"in müəyyən edilməsi zəruridir.
Bu gün ABB avrobond emissiyasının əvvəlki həcmini saxlayıb. Əvvəllər bildirilirdi ki, Beynəlxalq bank avroistiqrazların ilk buraxılışının $200 mln. həcmində olacağını gözləyir. Bank öz qiymətli kağızlarının yerləşdirilməsi üçün Amerika bazarından başqa, bütün digər perspektivli bazarları (Lüksemburq, London, Şanxay və s.) nəzərdən keçirmək niyyətindədir. Lakin, Amerika sərmayədarlarının digər kapital bazarları vasitəsilə ABB-in avrobondlarını ala biləcəkləri istisna edilmir.
Avrobondların yerləşdirilməsi üçün ABB-in bukrannerləri kimi City Group və JP Morgan seçilib.
Suveren avrobondların buraxılışı üzrə Maliyyə Nazirliyinin lid-menecerləri Deutsche Bank AG London və Citigroup Global Markets Limited investisiya bankları seçilib. Hökumət avrobondların birinci emissiyasını ilkin olaraq $300 mln. səviyyəsində həyata keçirməyi planlaşdırıb. Lakin, hazırda bu rəqəmin $500 mln.-dək artırılması imkanından danışılır.
Mayın 27-nə olan rəsmi məzənə - 0,8218 AZN/USD
Müəlliflə əlaqə saxlamaq üçün elektron ünvan: [email protected]
