Azərbaycan, Bakı, 29 may/ Trend , müxbir İ.Xəlilova/ TBC Credit (əvəllər SOA Credit adlanıb) bank olmayan kredit təşkilatı bir il ərzində banka çevrilmə prosesini başa çatdırmağı planlaşdırır. Bu barədə cümə axşamı, kredit təşkilatının kapitalında 75 faiz səhmə malik Gürcüstanın TBC Bank-nın baş direktor müavini Zezva Çiskarişvili məlumat verib. [Kredit təşkilatının adı bir həftə əvvəl dəyişdirilib].
Hazırda Azərbaycan Milli Bankından baş lisenziyanın alınması üzərində iş gedir. Bu prosesə baxmayaraq, TBC Credit hazırki statusda fəal inkişaf edir. İyul-avqust ərzində birinci iki filialı açmaq planlaşdırılır. Beş il ərzində Azərbaycan ərazisində onların sayı 20-yə çatdırılacaq.
"Biz ipoteka, istehlak kreditləşməsi və kiçik və orta sahibkarlıq sahəsində maliyyələşdirmə üçün fəal surətdə xarici bazarlardan maliyyə ehtiyatlarını cəlb etməyi planlaşdırırıq", - Üiskarişvili bildirib.
TBC Bank AYİB, Beynəlxalq Maliyyə Korporasiyası, Niderlandın FMO şirkəti, Alman Dövlət İnvestisiya Şirkəti ilə yaxşı əlaqələrə malikdir. Bu BMİ və şirkətlər Gürcüstanda çoxdankı kreditor və tərəfdaşdırlar və Azərbaycanda layihələri maliyyələşdirməyə hazır olduqlarını göstərirlər. Onun rəyinə görə, bu əlaqələr Azərbaycanın ehtiyat bazarına birbaşa cəlbetmələrə və nəticədə, TBC Credit-in Azərbaycanda portfelinin artmasına yardım edəcək. Kommersiya investisiya bankları ilə - dünya maliyyə bazarında ən iri oyunçularla fəal əməkdaşlıq nəzərdə tutulub.
2008-ci ilin sonunadək $30-40 mln. cəlb etmək planlaşdırılır. Bu gün TBC Credit-in cəlb etdiyi ümumi kredit həcmi $10-12 mln. təşkil edir. Kredit portfeli $14 mln.-a çatır.
Gürcüstanın "TBC Bank"ı tərəfindən SOA Credit (indi TBC Credit) bank olmayan kredit təşkilatında 75 faiz iştirakın alınması haqqında saziş 2008-ci il fevralın 14-də imzalanıb. Sazişin bağlanılması nəticəsində, Gürcüstan bankı SOA Credit-in əsas kapitalına $7,5 mln. sərmayə yatırıb və onun Nizamnamə kapitalını $10 mln.-a çatıdırıb.
İlkin olaraq kredit təşkilatının $2,5 mln. həcmində kapitalı ABŞ-ın Beynəlxalq İnkişaf Agentliyinin (USAİD) Shore Overciese Azerbaijan-ın fəaliyyətinin ilkin mərhələsində təqdim etdiyi qrantı və qrant ehtiyatlarından istfadə nəticəsində toplanmış vəsaitlərin hesabına formalaşdırılıb.
TBC Bank-ın daxil olmasınadək SOA Credit-in 100 faizlik təsisçisi Amerikanın Shorebank qrupuna daxil olan Shorebank International beynəlxalq konsaltinq şirkəti olub.
Ötən ilin yekunlarına əsasən, SOA Credit-in aktivləri $10,5 mln. təşkil edib. TBC Bank-ın aktivləri isə $1 mlrd.-ı ötüb. TBC Bank 2000-ci ildə beynəlxalq reytinq almış birinci Gürcüstan bankıdır və bu gün Fitch Ratings versiyası üzrə B+ reytinqinə malikdir. TBC Bank-ın əsas sahibləri Beynəlxalq Maliyyə Korporasiyası (DB qrupuna daxildir), Alman DEG və Gürcüstan vətəndaşlarıdır.
Müəlliflə əlaqə saxlamaq üçün elektron ünvan: [email protected]
