Azərbaycan, Bakı, 09 iyun / Trend müxbir U.İsmayılova/ Cari ilin may ayında Bakıda tikinti materiallarının qiymətlərində aprel ayına nisbətdə nəzərəçarpacaq dəyişiklik müşahidə olunmayıb, fərq 0,2 faiz təşkil edib. Bu barədə bazar ertəsi "Əmlak bazarı iştirakçıları" İctimai Birliyindən məlumat vrilib. İlin əvvəlindən tikinti materiallarının qiyməti 15,5 faiz, 2007-ci ilin analoji dövrünə nisbətdə isə, 19 faiz bahalaşıb.
İctimai Birlik mayda 84 növdə və 38 adda tikiti materialları üzrə monitorinq aparıb. Yalnız bir növdə ay ərzində qiymət azalması müşahidə olunub, 76 növdə qiymətlər stabil qalıb, digər 6 növdə isə, artım qeydə alınıb.
Təşkilat tərəfindən may ayında təhlil olunan bazarda yerli istehsal olan tikinti materiallarının payı 45,2 faiz təşkil edib.
Birlik ekspertlərinin rəyinə görə, tikinti materiallarının qiymətlərinin artmasının əsas səbəbi dünya bazarında tikinti materialları dəyəri və idxal zamanı nəqliyyat xərclərinin artması olub.
Məqalə müəllifi ilə əlaqə ünvanı: [email protected].
