Azərbaycan, Bakı, 26 sentyabr/ Trend , müxbir Ü.İsmayılova/ Qazaxıstanda sığorta mübahisələrinin elektron tənzimlənməsi sistemi yaradılır. Sistem artıq cari ildə sığorta ombdusmanına müraciət etməyə və iclaslarda interaktiv iştirak etməyə imkan verəcək, - Qazaxıstanın sığorta ombudusmeni Vitali Veryovkin cümə günü elektron poçtla Trend -a bildirib.
Postsovet məkanında birinci yaradılan Qazaxıstanın sığorta ombudsmanı ilə 20 şirkət çalışır.
Veryovkin bildirib ki, sığorta şirkətləri ombudsmenin xidmətlərindən müəyyən fayda götürürlər. Strateji planda ilkin və ən başlıcası odur ki, nəzərdən keçirilən şikayətlərin həcminin artması ilə bazarda həm sığorta halları üzrə müştərinin şikayətlərinin tənzimlənməsinin vahid standartları, həm də sığorta hallarının tənzimlənməsinin vahid qaydaları müəyyən edilir. Ombudsman çalışır ki, sığorta şirkətinin müştərisi aydın olmayan tənzimləmə qaydasından qorxmayacaq və bu amil onu sığorta xidmətlərinin alqısından çəkindirməyəcək.
İkinci müsbət məqam - müştəri artıq bilir ki, ödənişlər zamanı hansısa problem yarandıqda, o bu problemi tez, səlahiyyətlə və obyektiv həll edə biləcək. Onun sığorta şirkəti bütün mümkün və mümkün olmayan yollarla ödənişdən qaçmayıb, müştərini problemin tənzimlənməsi üzrə əlavə xərclərlə yükləmədən, onu mümkün qədər tez həll etməyə çalışır.
Müştərilər üçün birinci və ən vacib müsbət amil sığorta şirkətləri ilə problemlərinin həllinə maneəsiz və pulsuz çıxışın əldə edilməsidir.
Azərbaycanın Maliyyə Nazirliyi siğorta nəzarəti şöbəsinin rəhbəri Namiq Xəlilov bəyan edib ki, ölkədə sığorta ombudsmanı institutu yaradılacaq. Institut sığortaçıların hüquqlarının müdafiəsi üçün pulsuz xidmətlər göstərən dövlət təşkilatı olacaq. Sığorta məsələlərinin həlli üzrə pulsuz xidmətlərin göstərilməsi sığorta istehlakçılarının hüquqlarının müdafiəsi məqsədilə realizə ediləcək.
Xəlilov bildirib ki, sığorta ombdusmanı institutunun yaradılması haqqında qərar sığorta edənlər və sığorta etdirənlər arasında "mübahisəli məsələlərin tez və səmərəli həlli", Azərbaycanın sığorta bazarında etibar və şəffaflığın yaradılması üçün qəbul edilib.
Müəlliflə əlaqə saxlamaq üçün elektron ünvan: [email protected]