Azərbaycan, Bakı, 17 oktyabr/ Trend /
Ellada Xankişiyeva, Trend - ın Analitik Mərkəzinin direktoru
Dünya iqtisadiyyatı ciddi xəstələnib. O, artıq tərkibində immuniteti bərpa edən maddələrlə zəngin atiantibiotiklərə də reaksiya vermir. Məsələn, Federal Ehtiyatlar Xidmətinin (FRX) uçot dərəcəsinin azaldılması və ya iri şirkətlərin birləşdirilməsi. Hətta Beynəlxalq Valyuta Fondu (BVF) və Dünya Bankının (DB) simasında dünya iqtisadi sisteminin məşhur "həkim"ləri də təsirli həb təqdim edə bilmədilər. Onlar yalnız şəraitə uyğun tövsiyələr verməklə və dünya ictimaiyyətini bazarları və bazar mexanizimlərini, qlobal iqtisadiyyata müvafiq, müasirləşdirməyə çağırmaqla kifayətləndilər.
Dünya bazarları yalnız bazar ertəsi və çərşənbə axşamı ABŞ hakimiyyəti və Avropa İttifaqının bank sektoruna dəstəyə yönəldilmiş qərarına miqyaslı artım ilə reaksiya verdilər. Güclü vəsait artımına dair xəbərlər fond bazarlarını, iki günlüyə də olsa, qaldırdı. Bundan artığına onların gücü çatmır.
Artıq növbəti gün sağalmaya yaranan ümidlər, görülən milyardlarla tədbirlərin maliyyə sektorunu böhrandan çıxaracağına inamsızlıqla əvəzələndi. Vəziyyət insan xəstəliyi ilə çox oxşardır; depressiyalı xəstələr üzərində çoxsaylı müayinələr, səmərəsiz müalicələr onları vəziyyətlərinin ciddiliyinə daha çox inandırır, həkim - mütəxəssislərə mənfi münasibət və ümumilikdə təbabətə inamı öldürür.
Bütün bunlar o deməkdir ki, dünya maliyyə sisteminin sağaldılmasına yeni dərman və ya yeni yanaşma lazımdır və onu şəxsi "labaratoriyanda" deyil, axtarışların nəticələrini bölüşərək hazırlamaq lazımdır. Pasientdə uğurlu müalicənin zəruriliyinə və mümkünlüyünə inam yaradaraq, dünya bazarlarının stabil inkişafı üzrə, qısamüddətli yox, uzunmüddətli planlar hazırlamaq lazımdır.
Budur, artıq "Böyük səkkizlik" dövlətlərinin başçıları yaxın vaxtlarda dünya maliyyə böhranı və dünya iqtisadi islhatlarının gündəliyini müzakirə etmək məqsədi ilə görüşmək qərarına gəliblər. "Səkkizilik" liderləri, Avropa Komissiyasının nümayəndələri bildiriblər ki, böhranın həlli, maliyyə institutlarının möhkəmləndirilməsi və XXİ əsrin çağırışlarına cavab verən islahatların günldəliyə gətirilməsi üzrə birgə missiyaların reallaşdırılmasında həmrəydirlər.
"Bizim bir nömrəli vəzifəmiz bazarların stabilləşdirilməsi və etibarın bərpasından ibarətdir. Hazırki böhran problemlərinin öhdəsindən gəlmək üçün dünya maliyyə sektorlarının nizamlayıcı və institusional rejimlərini dəyişmək lazımdır", - deyə bəyanatda bildirilib.
Bu görüşün güclü mütəxəssilərin konsiliumunda keçəcəyinə və yekunda dünya iqtisadiyyatının tam sağaldılması üzrə savadlı və düzgün resept və taktikanın bütün dünyaya təqdim ediləcəyinə çox inanmaq istərdik.
Məqalə müəllifi ilə əlaqə ünvanı: [email protected]
