...

Azərbaycan Parlamenti Fransa bankı ilə imzalanmış kredit müqaviləsini təsdiq edib

Biznes və iqtisadiyyat xəbərləri Materials 28 Oktyabr 2008 16:11

Trend-i buradan izləyin

Azərbaycan, Bakı, 28 oktyabr/ Trend , müxbir İ.Xəlilova/ Azərbaycanın Milli Məclisi çərşənbə axşamı Muğanlıdan Yevlaxadək (M 3 avtomagistralının bir hissəsi) və Yevlax -Zaqatala - Gürcüstan sərhədi (M 4 - ün bir hissəsi) avtomobil yolunun tikintisi layihəsinin maliyyələşdirilməsi üçün 320 mln. dollar həcmində kredit ayıracaq Fransanın "BNP Paribas" bankı ilə imzalanmış müqaviləni təsdiq edib.

Azərbaycan Parlamentinin vitse -spikeri Valeh Ələsgərov müqaviləni təqdim edərək bildirib ki, dünya maliyyə böhranı fonunda "BNP Paribas" kimi aparıcı bankdan kredit almaq müsbət amildir.

"Bu Azərbaycnın stabil inqitsadi inkişafa, sabit maliyyə sisteminə və yüksək valyuta ehtiyatlarına malik olması ilə əlaqədardır", - deyə Ələsgərov bildirib.

Onun sözlərinə görə, layihənin ümumi dəyəri 400 mln. dollar təşkil edir, onun 20 faizi Azərbaycan hökumətinin iştirak payı, qalan hissəsi "BNP Paribas"ın krediti hesabına ödənəcək.

Kredit altı aylıq libor + a0,45 faiz dərəcəsi üzrə, dörd mərhələdə 48 ay müddətinə ayrılacaq. Kredit borcun alınması müddəti (Dörd ildən sonra) başa çatdıqdan sonra 10 il müddətinə ödənəcək.

Ələsgərov bildirib ki, dünya praktikasına əsasən, kredit İsrailin ASHRA Korporasiyasının sığorta dəstəyi ilə müşayiət olunacaq. Sığortanın ümumi məbləği 15,786 mln. dollar təşkil edəcək.

"BNP Paribas" ilə Nəqliyyat Nazirliyi arasında kredit müqaviləsi iyunun 13 - də Bakıda imzalanıb. Tikinti işlərinin dörd il ərzində başa çatdırılması planlaşdırılıb.

Bu, yol layihəsi üzrə "BNP Paribas" ilə ilk kredit müqaviləsidir.

Məqalə müəllifi ilə əlaqə ünvanı - [email protected]

Xəbər lenti

Xəbər lenti