Azərbaycan, Bakı, 06 noyabr/ Trend / Noyabrın 14 - də Kişinyovda MDB - nin hökumət rəhbərlərinin görüşü zamanı Birliyə üzv dövlətlərin iqtisadiyyatında yeni istiqamətlər müzakirə olunacaq.
MDB İcraiyyə Komitəsindən cümə axşamı Trend - a bildiriblər ki, müzakirə olunacaq əsas məsələlər MDB -nin hər bir üzvünə məxsus məhsullar üçün ümumi bazarların açılması və Birlik daxilində Ümumdünya Ticarət Təşkilatı normaları ilə azad ticarət məkanının formalaşdırılması olacaq.
Yerli malların rəqiblərdən mühafizəsi, valyuta sektorunda dərin qarşılıqlı əlaqələr, özəl sektorun inkişafı və onun mühafizəsi siyasəti də müzakirə ediləcək.
Hökumət başçıları fəaliyyətin avtomobil nəqliyyatı sahəsində inteqrasiyasına imkan verəcək beynəlxalq avtonəqliyyat xidməti bazarının inkişafında qarşılıqlı əlaqələrə dair sənədi nəzərdən keçirəcəklər.
İcraiyyə Komitəsindən bildriblər ki, bu görüş 2020 - ci ilədək MDB üzvlərinin yeni iqtisadi siyasətinin konturlarını cızmağa imkan verəcək.
Mütəqil Dövlətlər Birliyi (MDB) dünya ərazisinin 16,4 faizini tutur, burada dünya əhalisinin təqribən 4,4 faizi yaşayır. Dünya neft ehtiyatlarının 20 faizi, təbii qaz ehtiyatlarının 40 faizi, kömürün 25 faizi, elektrik enerjisi istehsalnın 10 faizi, dünya meşə ehtiyatlarının 25 faizi, bərpa olunan su ehtiyatlarının təqribən 11 faizi və əkinə yararlı torpaqların 13 faizi MDB - nin payına düşür.
2007-ci ildə MDB ölkələrində əsas markoiqtisadi göstəricilərin artım tempi 2006 -cı ildə qeydə alınan səviyyəni ötüb. ÜDM istehsalı, orta hesabla, 9 faiz, sənaye məhsulları 7 faiz, əsas kapitalda sərmayələr 20 faiz, yük daşımaları 5 faiz, pərakəndə mal dövriyyəsi 16 faiz artıb.
Məqalə müəllifi ilə əlaqə ünvanı- [email protected]
