Azərbaycan, Bakı, 07 noyabr/ Trend , müxbir İ.Xəlilova/ "2008 - ci ildə dövlət əmlakının özəlləşdirilməsindən Azərbaycanın dölət büdcəsinə yatırımlardan üç dəfə çox vəsait daxil olub", - deyə cümə günü Azərbaycan parlamenti komissiyalarının birgə iclasında 2009 - cu il üzrə dövlət büdcəsinin müzakirəsi zamanı maliyyə naziri Samir Şərifov bildirib.
Özəlləşdirmədən dövlət büdcəsinə nəzərdə tutulan 50 mln. manata nisbətdə 170 mln. manat daxil olub.
"Dünya maliyyə böhranı şəraitində özlləşdirmədən gələn gəlirlərin artması müsbət amildir, belə ki, bu gün inkişaf etmiş ölkələr iri şirkət və bankların milliləşdirilməsi üzrə tədbirlər həyata keçirirlər", - deyə nazir bildirib.
Onun sözlərinə görə, hazırkı şəraitdə dövlət əmlakının özəlləşdirilməsi üzrə qərarların qəbulunda, xüsusilə də strateji obyektlərin dövlətsizləşdirilməsi zamanı Azərbaycan ehtiyatlı siyasət aparmalıdır.
Dövlət əmlakının özəlləşdirilməsindən gələn gəlirlər dövlət büdcəsi defisitlərinin ödənməsinə yönəldiləcək.
Məqalə müəllifi ilə əlaqə ünvanı - [email protected]
