Azərbaycan, Bakı, 10 noyabr/ Trend / AZAL Qapalı Səhmdar Cəmiyyəti (Azərbaycanın Mülki Aviasiya Idarəsi) struktur dəyişiklikləri aparır və dəyişikliklər nəticəsində ştatın azalacağı gözlənilir, - QSC - dən bazar ertəsi bildiriblər. İdarədən hansı struktur dəyişikliklərin həyata keçiriləcəyini və nə qədər əməkdaşın işdən azad ediləcəyini dəqiqləşdirməyiblər.
Azərbaycan prezidentinin sərəcanmına əsasən, ilin əvvəlində AZAL-ın mülkiyyət formasının dəyişdirilməsi həyata keçirilib. QSC-nin yenidən təşkili Mülki Aviasiya Idarəsinin kommersiya və tənzimləyici funksiyalarının ayrılması üçün həyata keçirilib. Bu funksiyalar AZAL və Dövlət Mülki Aviasiya Administrasiyası arasında ayrılıb.
AZAL-ın yenidən təşkili üzrə sərəncamda göstərilir ki, bu, mülki aviasiyanın daha çox inkişafı, bu sahədə səmərəliliyin artırılması, aviaxidmətlərin səviyyəsinin və uçuşların təhlükəsizliyinin yüksəldilməsi məqsədilə edilib.
