Gürcüstan, Tbilisi, 18 noyabr/ Trend , müxbir N.Kirtsxaliya/ 2008 - ci il oktyabrın 1-nə olan məlumata görə, Gürcüstanın xarici dövlət borcu və dövlət zəmanəti altında götürülmüş kreditlərin ümumi həcmi 2493,7 mln. dollar təşkil edib, - Gürcüstanın maliyyə nazirliyindən çərşənbə axşamı bildiriblər.
Gürcüstanın ikitərəfli sazişlər əsasında ümumi borcu 516,8 mln. dollar təşkil edir. Bununla bərabər, Avstriyaya olan borc - 1,48 mln. dollar, Azərbaycan - 14,43 mln. dollar, Türkmənistana - 1,61 mln. dollar, Türkiyə - 41,48 mln. dollar, İran - 11,32 mln. dollar, Rusiya - 119,99 mln. dollar, Ermənistan - 17,42 mln. dollar, Özbəkistan - 0,38 mln. dollar, Ukrayna - 0,35 mln. dollar, Qazaxıstan - 27,77 mln. dollar, Yaponiya - 54,22 mln. dollar, Küveyt - 13,95 mln. dollar, Niderland - 10,54 mln. dollar, ABŞ - 39,08 mln. dollar, Çin - 4,39 mln. dollar təşkil edir.
[Gürcüstanın 1992-1994-cü illərdə dövlət müəssisələri arasında təsərrüfat əməliyyatları nəticəsində, Azərbaycana borcunun ümumi məbləği 16189573 dollar təşkil edib.]
Gürcüstanın avrobondların yerləşdirilməsindən cəlb edilmiş vəsaitlər 500 mln. dollar təşkil edir.
Beynəlxalq maliyyə institutlarının kreditləri üzrə Gürcüstanın borcu 1466,37 mln. dollardır. Beynəlxalq İnkişaf Assosiasiyasının (Dünya Bankı qrupuna daxildir) xətii ilə 903,35 mln. dollar, Avropa İttifaqı - 75,72 mln. dollar, Beynəlxalq Kənd Təsərrüfatının İnkişafı Fondu - 12,42 mln. dolar, Avropa Yenidənqurma və İnkişaf Bankı - 29,73 mln. dollar kredit cəlb edilib.
Oktyabrın 31-nə olan vəziyyətə görə, dövlət zəmanəti altında cəlb edilmiş kreditlər üzrə xarici borcun həcmi 10,55 mln. dollar təşkil edib. Bununla yanaşı, Almaniya qarşısında borc 3,76 mln. dollar, AYİB - 6,79 mln. dollar təşkil edir.
Müəlliflə əlaqə saxlamaq üçün elektron ünvan: [email protected]
