Azərbaycan, Bakı, 02 dekabr/ Trend , müxbir Ü.İsmayılov/ "Asiya İnkişaf Bankı RETA regional yardım layihəsi çərçivəsində, Azərbaycana beynəlxalq maliyyə hesabatlılığı standartlarının (BMHS) tətbiqi sahəsində texniki yardımın göstərilməsi imkanlarını öyrənir", - Auditorlar Palatası rəhbərinin müşaviri Nəcəf Talıbov çərşənbə axşamı bildirib.
"Auditorlar Palatası noyabrın 14 - də layihənin öyrənilməsi və rəy verilməsi üçün məktub alıb. Bu gün biz artıq banka məktub göndərmiş və layihədə iştiraka razılıq vermişik", - Talıbov bildirib.
Asiya İnkişaf Bankı üç Zaqafqaziya ölkəsi üçün mühasibat və audit uçotunun inkişafının dəstəklənməsinə 1 mln. dollaradək həcmdə texniki yardımı təsdiqləməyi planlaşdırır, - AİB - in Bakı nümayəndəliyindən əvvəllər bildiriblər.
Yardım beynəlxalq mühasibat uçotu standartlarının tətbiqi və audit fəaliyyəti standartlarının tətbiqi zamanı, eləcə də milli audit standartlarının işlənilməsi zamanı göstəriləcək.
Azərbaycan Nazirlər Kabinetinin təsdiqlədiyi siyahıya əsasən, ictimai əhəmiyyətli 20 təşkilat 2008 - ci il yanvarın 1 - dək mühasibat uçotu aparmağa başlamalı və beynəlxalq maliyyə hesabatlılığı standartlarının əsasında maliyyə hesabatlılığı təqdim etməliydilər. Lakin bu proses ağır gedir.
Belə təşkilatların seçimi üçün meyarlar 100 mln. manatı ötməli olan aktivlər, beş mln. manat illik gəlir, 1 mindən çox əməkdaşın olmasıdır.
Dekabrın 2 - nə olan cari mübadilə məzənnəsi -- 0,8094 AZN/USD.
Müəlliflə əlaqə saxlamaq üçün elektron ünvan: [email protected]