Azərbaycan, Bakı, 05 dekabr/ Trend , müxbir E.İsmayılov/ 2007-2009 - cu illərdə TRACECA nəqliyyat dəhlizinin fəaliyyət planının prioritet istiqamətləri nəqliyyat infrastrukturlarının baş inkişaf planlarının hazırlanmasından ibarətdir. Bu barədə TRACECA -nın 2007-2009-cu illər rəsmi fəaliyyət planında bildrilir.
Bu planların hazırlanması üç mərhələdə həyata keçirilən metodikanı özündə birləşdirir. Birinci mərhələ "ensiz yerlərin" aşkarlanmasıdır. İnfrastruktur və ya sərhədlərin kəsişmə problemi ilə bağlı məhdud nəql imkanları, qarşılıqlı əlaqələrin istənilən səviyyədə olmaması, qeyri-kafi ətraf mühit şəraiti bura aiddir. Mövcud və perspektivli yük axınlarına əsaslanaraq, "ensiz yerlərin" nəqliyyat sisteminə təsirini qiymətləndirmək olar.
İkinci mərhələ layihələrin eyniləşdirilməsi və onların dəyərinin qiymətləndirilməsindən ibarədir. Üçüncü mərhələ xərclər və nəticələr və onların milli və beynəlxalq nəqliyyat sistemi üçün əhəmiyyətinin təhlili əsasında prioritet layihələrin müəyyən olunmasını özündə əks etdirir.
Proqramda bildirildiyi kimi, daşınmaların bütövlüyünün, təhlükəsizliyinin və stabilliyinin, xüsusilə də, dəniz əlaqələrinin təhlükəsizliyinin təmin edilməsi prioritet istiqamətlərdəndir. Bu, Mərkəzi Asiyadan, Xəzərdən və Qara dənizdən keçməklə, Avropaya neft daşınmalarının təhlükəsizliyi üçün böyük əhəmiyyət kəsb edir. 2010-cu ildən başlayaraq, daşınma həcmlərinin xeyli artacağı gözlənilir.
Xəzər dənizi üzrə neft daşınmalarının təhlükəsizliyini təmin edilməsinin vacibliyi limanlarda müvafiq dövlət nəzarəti, hərəkətin monitorinqi, dəniz mühitinin çirkləndirilməsinə qarşı mübarizədə mülki administrasiyalar arasında qarşılıqlı əlaqələr mexanizminin təkmilləşdirilməsi də daxil olmaqla, müvafiq mexanizm və konkret çərçivələrin hazırlanmasına zərurət yarada bilər.
İnkişaf proqramı çərçivəsində, qovşaq limanlarının yaradılması və potensial dəniz magistrallarına inteqrasiya üçün daha çox əlverişli olan liman infrastrukturlarının inkişafı üzrə milli baş planlarda və milli nəqliyyat siyasəti planlarında eyniləşdirmə aparılmasından başlayaraq, limanların müasirləşdirilməsi nəzərdə tutulur.
Limanlarla bağlı planlarda mövcud strukturlar, təşkilatlar və limanların nəql imkanları, sərmayə yatırımına gələcək təlabat öz əksini tapmalıdır.
Məqalə müəllifi ilə əlaqə ünvanı - capital
