Azərbaycan, Bakı, 22 dekabr/ Trend / Azərbaycan Milli Bankı (AMB) əskinasları çeşidləyən Brandt tipli sayğacların və Multivak tipli vakuumlu qablaşdırma maşınlarının alınması ilə bağlı kotirovka sorğusu elan edib, - bankın bazar ertəsi yayılmış məlumatında deyilir.
Tender komissiyasının məlumatında bildirilir ki, iddiaçılar tenderdə iştirak etmək üçün dövət qeydiyyatı və təşkilatın hüquqi statusu (Nizamnamə və qeydiyyat haqqında şəhadətnamə), ƏDV-nin ödənilməsi üçün qeydiyyat, müəssisənin vergi orqanlarında qeydiyyat nömrəsi, bank rekvizitləri haqqında məlumat təqdim etməli, fəaliyyət sahəsini göstərməlidirlər.
İddiaçının iş təcrübəsi iki ildən az olmamalıdır və o, müştəri bazası və eləcə də vergi borcunun olmaması barədə məlumat təqdim etməlidir.
Təqdim edilən malların (xidmətlərin) qiymətlərindən başqa, bütün maliyyə göstəriciləri Azərbaycan manatında göstərilməlidir.
Bağlı təkliflər dekabrın 25 - də saat 18:00 - dək AMB-nin tender komissiyasına təqdim edilməlidir. Tender komissiyası bankın inzibati binasında yerləşir. Tender dekabrın 26-da saat 10:00 - da baş tutacaq.
Əlavə məlumat üçün 493-11-22 (501) nömrəli telefonla R.Hacıyevə müraciət etmək olar.
