Gürcüstan, Tbilisi, 24 dekabr/ Trend , müxbir N.Kirtsxaliya/ Gürcüstan parlamenti Nəzarət Palatası haqqında Qanun qəbul edib. Qanuna əsasən, bu qurumun səlahiyyətləri genişlənib.
Qanuna görə, Palata Gürcüstanın dövlət büdcəsi, muxtar respublikaların büdcəsi və özünüidarəetmə vahidlərinin büdcələrinin hazırlanması prosesinə qoşulacaq, vəsaitlərin xərclənməsi ilə bağlı vəziyyətə nəzarət edəcək. Dövlətin payının 50 faizdən çox olduğu bütün müəssisələr Palatanın auditinə düşür.
Nəzarət Palatasının ayrı - ayrı vergi ödəyiciləri barədə identifikasiya edilmiş məlumat almaq səlahiyyəti var. Qanuna müvafiq olaraq, Palata özəl sahibkarların fəaliyyətinə müdaxilə hüququndan məhrum olunur.
"Dövlət vəsaitlərini xərcləyən xüsusi hüquq subyekti Palatanın bilavasitə nəzarəti altına düşmür. Bu subyektin dövlət vəsaitlərini xərcləməsi ilə bağlı vəziyyət müvafiq dövlət qurumlarından alınmış sənədləşdirmə əsasında öyrəniləcək", - Qanunda deyilir.
Müxalifətin maliyyə - iqtisadi fəaliyyətinin Palatanın nəzarəti altına düşməsinə gəldikdə isə, parlament fraksiyalarının plandankənar auditin keçirilməsini tələb etmək hüququ var.
Qanunda Nəzarət Palatasının fəaliyyətinin şəffaflığına gətirəcək iddiaların baxılması üzrə Şuranın formalaşdırılması nəzərdə tutulur. Palata pozuntu aşkar edərsə, ölkə hökumətinin büdcə vəsaitlərinin xərclənməsini dayandırmsı təklifi ilə parlamentə müraciət edə bilər.
Müəlliflə əlaqə saxlamaq üçün elektron ünvan: [email protected]
