...

Azərbaycan bankının yüksək likvidliyi onun mənfəətlilik göstəricilərində mənfi əks olunur

Biznes və iqtisadiyyat xəbərləri Materials 27 Dekabr 2008 15:14 (UTC +04:00)

Azərbaycan, Bakı, 27 dekabr/ Trend , müxbir N.İsmayılova/ "Azərbaycanın Bank of Baku bankının yüksək likvidliyi onun mənfəətlilik göstəricilərində mənfi əksini tapır", - bankın İdarə Heyətinin sədri Cəlal Qasımov şənbə günü bildirib.

"Azərbaycan Milli Bankının minimal tələbi 30 faiz olarkən, hazırda bankın ani likvidliyi 100 faizi ötür, - Qasımov deyb. - Belə yüksək livkdliyin saxlanılması mənfəətlilik göstəricilərində mənfi əks olunsa da, hazırda sabitlik və etibarlılıq bizim prioritetlərimizdir".

Onun sözlərinə görə, bank belə yüksək likvidliyi, ilk növbədə, fəal depozit kampaniyası və müddətli kredit portfelinin ümumi azaldılması, o cümlədən də nisbətən qısamüddətli və daha az riskli məhsulların çəkisinin artırılması ilə dəstəkləyir.

"Buna baxmayaraq, mənfəətlilik göstəriciləri (ROA, ROE) üzrə bazarın lideriyik və bu, əməliyyatlarımızın yüksək səmərəliliyini göstərir", - Bank of Baku-nun İdarə Heyətinin sədri vurğulayıb.

Dekabrın əvvəlinə bankın ROA əmsalı (aktivlərin rentabelliliyi) 6,17 faiz, ROE əmsalı (kapitalın rentabelliliyi) - 39,76 faiz təşkil edib.

Bank of Baku 2005 - ci ildə iki yerli özəl bankın birləşməsi nəticəsində yaranıb. Dekabrın əvvəlinə Bank of Baku-nun aktivləri 187,6 mln. manat, mənfəət - 9,5 mln. manat təşkil edib. Bankın depozit portfeli 139,9 mln. manata, kredit portfeli - 139,2 mln. manata çatıb, bunun 52,4 mln. manatı kommersiya kreditləri, 86,7 mln. manatı istehlak kreditlərinin payına düşür.

Dekabrın 27 - nə olan cari mübadilə məzənnəsi -- 0,8011 AZN/USD.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti