Azərbaycan, Bakı, 06 fevral / Trend / Azərbaycanın sığorta şirkəti "Kavkaz Sigorta" adının "Atesgah Heyat"a dəyişdirildiyini elan edib. Şirkətin elanı cümə günü rəsmi mətbuatda yerləşdirilib. Bu, ölkədə tamamilə Live-sığorta (həyat sığortası) ilə məşğul olacaq ilk sığorta şirkətidir və "Atesgah Sigorta"nın bütün Life-sığorta (təkrar sığorta) risklərinin "Kavkaz Sigorta" şirkətinə verilməsi nəticəsində yaranıb. "Kavkaz Sigorta" da öz növbəsində bütün Non-Life risklərini (ümumi sığorta) "Atesgah Sigorta"ya ötürüb.
Hər iki şirkət ISR Holding-in tərkibinə daxildir.
Ayrıca Life-şirkətlərin yaradılması Azərbaycanda 2008-ci il martın 15-də qəbul edilən "Sığorta fəaliyyəti haqqında" Qanunda nəzərdə tutulub.
İri isığorta şirkətlərindən biri olan "Atesgah" səhmdarlarının 2008-ci ilin fevral ayında keçirilən ümumi toplantısında təsisçilərin tərkibinin dəyişdiriliməsi barədə qərar qəbul olunub. Şirkətin yeni səhmdarı "Kapital" Sığorta Qrupuna daxil olan "Norcross" şirkətinin səhmlərinin 49 faizini alan I.S.R. Holding Ltd şirkəti olub. Səhmlərin qalan 30 faizi SOCAR, 21 faizi isə RAN-Eksim şirkətlərinə məxsusdur.
I.S.R. Holding Ltd 2008-ci ili yayında 2007-ci ildə "Qafqaz Sigorta" və New London Insurance LTD-nin bazasında yaradılan digər sığorta şirkəti "Kavkaz Sigorta"nı alıb. Onun nizamnamə kapitalı bir mln. manat təşkil edir.
ISR Holding 1995-ci ildə təsis edilib. Holdinqin əsas fəaliyyət istiqamətlərinə biznes mərkəzlər, mehmanxanalar və yaşayış komplekslərinin tikintisi, neft məhsullarının alqı-satqısı və daşınması, yod hasilatı və istehsalı daxildir.
...