...

Parlament Azərbaycan büdcəsini mayda yenidən nəzərdən keçirəcək

Biznes və iqtisadiyyat xəbərləri Materials 20 Fevral 2009 11:44 (UTC +04:00)

Trend-i buradan izləyin

Azərbaycan, Bakı, 20 fevral/ Trend , müxbir Ü.İsmayılova/ Azərbaycan parlamenti mayda 2009-cu ilin dövlət büdcəsini yenidən nəzərdən keçirəcək. Bu barədə parlamentin İqtisadi siyasət məsələləri üzrə daimi komissiyasının üzvü Vahid Əhmədov bildirib.

"Büdcəyə baxış zamanı əsas məsələlərdən biri hazırda bir barel üçün 70 dollar səviyyəsində qoyulan büdcənin neft qiymətlərinin yenidən nəzərdən keçirilməsi olacaq", - deyə Əhmədov bildirib.

Azərbaycanın 2009-cu il büdcə gəlirləri 12,177 mlrd. manat (o cümlədən mərkəzləşdirilmiş gəlirələr 11,698 mlrd. manat, yerli gəlirlər 0,479 mlrd. manat) və ya ÜDM-ə nisbətdə 27,9 faiz; xərclər 12,355 mlrd. manat (mərkəzləşdirilmiş xərclər 11,095 mlrd. manat, yerli xərclər 1,259 mlrd. manat) və ya ÜDM-ə nisbətdə 28,3 faiz səviyyəsində təsdiq olunub. Dövlət büdcəsi defisitinin yuxarı həddi 178 mln. manat və ya ÜDM-in 0,4 faizi səviyyəsində təsdiq edilib. Büdcə defisitinin əsas ödənmə mənbələri özəlləşdirmədə, daxili və xarici bazarlarda dövlət istiqrazlarının satışından əldə edilən gəlirələr, həmçinin 2009-cu il yanvarın 1-i üçün xəzinə hesablamalarından qalan gəlirlərdir.

Azərbaycanın 2009-cu il dövlət büdcəsi proqnozları neftin bir bareli üçün 70 dollar və bir ABŞ dollarına görə 0,8 manat mübadilə məzənnəsi üzrə hesablamalar əsasında hazırlanıb.

Məqalə müəllifi ilə əlaqə ünvanı -  [email protected]

Xəbər lenti

Xəbər lenti