...

2008-ci ildə istehlakçıların hüquqlarını pozmuş sahibkarlar 100 min manatdan artıq cərimə olunublar

Biznes və iqtisadiyyat xəbərləri Materials 12 Mart 2009 16:53 (UTC +04:00)

Azərbaycan, Bakı, 12 mart / Trend , müxbir Ü.İsmaylova /  

Hökumətin martın 13-də parlamentə təqdim olunacaq 2008-ci ilin yekunlarına dair hesabatında deyilir ki, Azərbaycan İqtisadi İnkişaf Nazirliyi yanında İstehlak Bazarına Nəzarət üzrə Dövlət Xidməti 2008-ci ildə keçirilmiş monitorinqlər nəticəsində istehlakçı bazarında bir sıra neqativ faktlar qeydə alıb.

Yoxlamalar nəticəsində normativ-texniki sənədləri olmayan 2,25 min adda, 16,77 min ədəd və 59516,4 kq mal aşkarlanıb. Bununla yanaşı, 5,41 min adda, 25,54 min ədəd və 53,24 min kq istifadə müddəti ötmüş mal üzə çıxarılıb.

Dövlət Xidməti əməkdaşları monitorinq çərçivəsində istehlakçıların hüquqlarının müdafiəsi məqsədi ilə qanunu pozanları 141719,4 manat məbləğində cərimələyiblər. Bununla yanaşı, sahibkarlar tərəfindən ölkə büdcəsinə 141244,4 manat məbləğin ödənilməsini təmin ediblər. Qanunu pozan sahibkarlara qarşı administrativ tədbirlərin görülməsi üçün Dövlət Xidməti 3,61 min qərar qəbul edib.

Məqalə müəllifi lə əlaqə ünvanı: [email protected]

Xəbər lenti

Xəbər lenti