Azərbaycan, Bakı, 31 mart / Trend , müxbir Ü.İsmayılova /
2008-ci ilin yekunu üzrə Azərbaycanın iri sığorta şirkətlərindən biri olan Azal Sigorta-nın aktivləri 7 mln. manatdan çox olub. Bu barədə şirkətin rəsmi mətbuatda nəşr olunan hesabatında bildirilir.
Bu dövr ərzində şirkətin uzunmüddətli aktivləri 111,45 min manat, qısamüddətli aktivləri isə 6,92 mln. manat təşkil edib.
2008-ci ildə Azal Sigorta-nın ödənmiş nizamnamə kapitalı 1 mln. manat, xalis mənfəəti 1,32 mln. manat, ötən illərin bölüşdürülməmiş mənfəəti 786 min manat təşkil edib.
Şirkətin uzunmüddətli öhdəlikləri 5,2 mln. manat, qısamüddətli öhdəlikləri 38 min manat, kapital və ümumi öhdəlikləri 7 mln. manata bərabər olub.
Ötən ilin yekunu üzrə şirkətin gəlirləri 15,17 mln. manat, xərcləri 13,39 mln. manat təşkil edib.
2008-ci ildə Azal Sigorta 374 min manat məbləğində mənfəət vergisi, 11,16 min manat ƏDV, 24,41 min manat gəlir vergisi, 444 min manat mənbə vergisi (dörd faiz), 98 min manat isə digər vergilər ödəyib. Sosial sığorta və təminat üzrə ödəmələr 33,5 min manat, icbari ödəmələr (0,3 faiz) - 5,21 min manat təşkil edib.
Məqalə müəllifi ilə əlaqə ünvanı - [email protected]