Azərbaycan, Bakı, 30 may / Trend , müxbir S.Babayeva /
Azərbaycan Kənd Təsərrüfatı Nazirliyi yanında Dövlət Baytarlıq Xidməti Qəbələ rayonunun Nic kəndində (Bakıdan 250 km aralı yerləşir) donuzçuluq təsərrüfatı fəaliyyətinin bərpa olunması üzrə müraciəti nəzərdən keçirir. Ötən ilin yanvar ayında bu kənddə "Afrika taunu" səbəbi ilə karantin həyata keçirilib, deyə Dövlət Xidmətinin mətbuat katibi Yolçu Xanvəli bildirib.
"Beynəlxalq epizootik büronun qanunlarına əsasən, təsərrüatların fəaliyyəti heyvanların qapalı məkanlarda yerləşdirilməsi şərti ilə bərpa edilə bilər. Belə ki, virusun torpaqda və bitkilərin kökündə saxlanılmamasına heç bir zəmanət yoxdur", - deyə Xanvəli bildirib.
Dövlət Xidmətinin nümayəndələrinin sözlərinə əsasən, donuzçuluq təsərrüatının bərpa olunmasına icazə donuzların qapalı məkanlarda saxlanılması zamanı verilə bilər. Üç ildən sonra virusun yenidən yaranmasından qorxmadan heyvanları açıq məkanlara keçirmək olar.
"İndiyə qədər bizim tərəfimizdən baxılan müraciətlərə razılıq verilməyib, belə ki, tələblərimizə riayət edəcək fermerlər yoxdur", - deyə mətbuat katibi bildirib.
Dövlət Xidməti Nic kəndində 2008-ci ilin yanvar ayının 28-də karantin keçirib. Bu, Azərbaycan ərazisində "Afrika taunu"nun meydana gəlməsi ilə bağlı ilk fakt olub. Karantin həmin il martın 28-də kəndin 378 ailəsinin təsərrüfatındakı 4863 baş donuzun məhv edilməsi ilə aradan qaldırılıb.
Sakinlər 1,266 milyon manat dəyərində donuzun kütləvi tələf edilməsi üçün təzminat alıblar. Ölkədə donuzçuluq təsərrüfatı Qəbələ daxil olmaqla, Zaqatala, Şəki, Balakən, Gəncə və Bakı ətrafında saxlanılır.
Məqalə müəllifi ilə əlaqə ünvanı: с[email protected]