Azərbaycan, Bakı, 01 avqust / Trend , müxbir İ.Xəlilova /
Azərbaycan bankı Əmrahbank Yaxın Şərq tərəfdaşları ilə bilikdə vəsaiti Azərbaycandakı müxtəlif layihələrə qoyulacaq birgə xəzinə fondunun yaraılması üzrə danışıqlar aparır. Bu barədə şənbə günü bankın idarə heyətinin sədri Emil Məmmədov bildirib.
Fondun iştirakçıları bankın xarici səhmdarının - Bəhreyndə yerləşən Beynəlxalq İnvestisiya Bankının əlaqəli strukturları olacaq. Əmrahbankın xarici səhmdarı nizamnamə kapitalında səhmlərin 49 faizinə sahibdir.
"Hazırda biz bu fondun gələcək fəaliyyətini nizamlayan əsas sənədlərin hazırlanması mərhələsindəyik. Tərəfdaşlarımız bu fonda resursların cəlb olunması üzrə sövdələşmələrin təşkilatçısı qismində çıxış edəcək. İlkin razılaşmaya əsasən biz konkret investisiya layihələri üzrə təkliflər hazırlayacağıq və birgə müzakirələrdən sonra bu və ya digər layihələrin maliyyələşdirilməsi üçün vəsait ayrıla bilər", - deyə Məmmədov bildirib.
Birgə fondun yaradılmasının təşəbbüskarı Əmrahbankdır. Bank rəhbərinin sözlərinə görə, hazırda bu fondun iş strukturu və reqlamenti razılaşdırılır.
Fond vasitəsilə cəlb olunan investisiyalar Azərbaycan iqtisadiyyatının real sektorunun, xüsusən də kiçik və orta biznesin maliyyələşdirilməsinə yönləndiriləcək.
İlin birinci yarısının yekunlarına görə, Əmrahbankın aktivləri 63 milyon manat, müştərək kapitalı 20,183 milyon manat, nizamnamə kapitalı isə 12,82 milyon manat təşkil edir.
Hazırda bankın kapitalı kifayət qədər adekvatdır və adekvatlılıq əmsalı 12 faiz normativlə 36 faiz təşkil edir.
İlin birinci yarısının yekunlarına əsasən bankın mədaxili 1,195 milyon manata çatıb. Kredit portfeli 36,37 milyon manat, 42,8 milyon manat ümumi öhdəliklə təcili əmanətlər portfeli isə 23 milyon manat təşkil edib.
Avqustun 01-nə olan rəsmi məzənnə 0,8043 AZN/USD təşkil edir.
Məqalə müəllifi ilə əlaqə ünvanı: [email protected]
