Azərbaycan, Bakı, 19 avqust / Trend , müxbir Ü.İsmayılova /
"Azərbaycan Lizinq Şirkətlərinin Assosiasiyası (ALŞA) ölkədə lizinq fəaliyyətinin idarə edilməsi üçün hökumətə tədqim olunmuş tövsiyələrinə hələ cavab almayıb", - çərşənbə günü assosiasiyadan bildirilib.
"Hazırda biz ölkədə lizinq fəaliyyətinin inkişafına mane olan problemlərin həlli üçün müvafiq dövlət strukturları ilə məsləhətləşmələri davam etdiririk", - assosiasiyadan deyilib.
Assosiasiyanın İdarə Heyətinin sədri Elçin Əhmədovun bir müddət əvvəl dediyinə görə, ALŞA Əlavə Dəyər Vergisinin (ƏDV) aradan qaldırılması məsələsi ilə bağlı müraciət edib (lizinq məhsulları ƏDV-dən azad edilmiş məhsullar siyahısına daxildir, ancaq məhsullların realizəsi zamanı şirkətlər 18 faizlik ƏDV-ni qiymətin üzərinə əlavə etmək məcburiyyətində qalırlar ki, bu da lizinq predmentinin bahalaşmasına gətirib çıxarır). Lizinq şirkətləri üçün ikinci aktual məsələ sürətləndirilmiş amortizasiya mexanizminin geri qaytarılması məsələsidir. Əvvəllər Azərbaycanın Vergi Məcəlləsində sürətləndirilmiş amortizasiyanı dəstəkləyən maddə var idi, ancaq hazırda ləğv olunub. Assosiasiya yalnız lizinq bazarı deyil, ölkə iqtisadiyyatının digər sahələrinin də inkişafına xidmət edəcək bu maddənin bərpası barədə təkliflə çıxış etmək fikrindədir.
Əhmədovun sözlərinə görə, ALŞA həmçinin bank və sığorta sektorunda olduğu kimi, kapitallaşmaya yönəldilən gəlirin müvəqqəti olaraq vergidən azad olunmasını da təkfli edib.
Assosiasiya "zamanın tələblərinə uyğun olaraq", Mülki Məcəllənin ölkənin lizinq bazarını idarə edən maddələrinə əlavə və dəyişikliklər edilməsini təklif edir. Assosiasiya əvvəllər bazarın idarə edilməsi üçün ayrıca qanun hazırlamağı təklif edirdisə, bu gün inkişaf prosesinin sürətləndirilməsi üçün Vergi və Mülki məcəllələrə əlavə və dəyişikliklər daha aktualdır.
Azərbaycanda ümumilikdə 20-dən çox lizinq şirkəti qeydiyyatdan keçib. Onlardan 12-13-ü fəaldır.
ALŞA 2004-cü ildə "Ataleasing", "Unileasing", "Muganleasing" şirkətləri tərəfindən yaradılıb. Bu gün assosiasiyada səkkiz şirkət təmsil olunur.
Məqalə müəllifi ilə əlaqə ünvanı: [email protected]
