Azərbaycan, Bakı, 24 avqust / Trend , müxbir İ.Xəlilova /
Azərbaycanın iri metallurgiya müəssisəsi Baku Steel Company (BSC) MMC "vahid pəncərə" sistemi vasitəsilə yenidən dövlət qeydiyyatından keçib. Bu barədə Azərbaycan Vergilər Nazirliyinin (VN) rəsmi saytında deyilir. BSC MMC bazarda 1998-ci ildən fəaliyyət göstərir və istehsala 2001-ci ilin mayından başlayıb.
Şirkət 36 milyon manatlıq nizamnamə kapitalı ilə qeydiyyatdan keçib. Baku Steel Company-nin rəsmi nümayəndəsi Aksel Borovski göstərilib. O, şirkətin prezidenti vəzifəsinə 2009-cu ilin martında başlayıb. 2004-2007-ci illərdə o, BSC-nin vitse-prezidenti olub. Daha sonra o, bu postu şirkətə yenidən çağırılana qədər tərk edib.
Bazar ertəsi şirkətdən deyildiyi kimi, təsisiçi əvvəl olduğu kimi Baku Steel Company Limited şirkətidir (Men adası). Şirkət 2009-cu il avqustun 7-də VN-də qeydiyyatdan keçib.
BSC-nin istehsal gücü illik 350 min ton təşkil edir. Keçən ildən başlayaraq metal tullantılarının çatışmazlığından şirkət fəaliyyətini dəfələrlə dayandırıb. Zavoda sutkada ümumilikdə 200-500 ton xammal daxil olur. Normal istehsal prosesi üçün təxminən 1,5 min ton xammal lazımdır. Bunun səbəbi müəssisə tərəfindən metal tulantılarının alışının qiymətlərinin azalmasıdır.
Yeni rəhbərlik metal tullantılarının yığımında möhkəm siyasətə başlayacağını vəd edib. Bu da xammalın rəsmi dilerlərdən əldə olunmasını nəzərdə tutub.
Məqalə müəllifi ilə əlaqə ünvanı: [email protected]
