Azərbaycan, Bakı, 26 oktyabr / Trend , müxbir Ü.İsmayılova/
Bakının daşınmaz əmlak bazarında ilin sonuna kimi həm qiymətdə, həm də fəallıq dərəcəsində ciddi dəyişikliklər gözlənilmir, bu barədə bazar ertəsi "MBA Group" konsaltinq şirkətinin baş direktoru Nüsrət İbrahimov bildirib.
"Hazırda ölkənin daşınmaz əmlak bazarında tam stabillik müşahidə edilir, bu stabillik 2010-cu ilin ikinci yarısına kimi davam edəcək", - İbrahimov bildirib.
Onun sözlərinə əsasən, 2008-ci ildə ən fəal ay aprel və may ayları olub, torpaq bazarının fəallığı bu dövrdə 25,28 faiz, ticarət obyektləri üzrə 10-12 faiz azalıb.
Ekseprtin fikrincə, fəallğın artımı təkcə mənzil bazarında baş verib, lakin bu da çox cüzi olub.
"Ümumilikdə, daşınmaz əmlak bazarını qiymətləndirsək, hazırda bazar stabil dövrünü - fəallığın ən aşağı səviyyəsini yaşayır", - İbrahimov bildirib.
Hazırda Bakının əmlak bazarında bir otaqlı mənzilin qiyməti 32 mindən 110 min dollara kimi dəyişir. Ən bahalı yaşayış obyekti bazara 800 min dollara təklif edilib.
Məqalə müəllifi ilə əlaqə ünvanı: [email protected]
