Azərbaycan, Bakı, 21 noyabr / Trend , müxbir N.İsmayılova/
Azərbaycan Mərkəzi Bankı nəzdində Azərbaycan İpoteka Fondunun xətti ilə maliyyələşdirilmənin bərpasına başlanmasından etibarən Azərbaycan bankı Texnikabank ümumi məbləği 7,03 milyon manat olan 173 ipoteka krediti verib. Bu barədə bankın İdarə Heyətinin sədri Samir Hüseynov bildirib.
"Verilən kreditlərin ümumi sayından 28-i güzəştli şərtlərlə verilib", - Hüseynov deyib.
Onun sözlərinə görə, AİF xətti ilə bank ümumi məbləği 19,03 milyon manat olan cəmi 447 kredit verib.
İpoteka kreditləşməsinin şərtləri bunlardır: kreditlər milli valyuta - manatla və yalnız Azərbaycan vətəndaşlarına verilir, ipotekanın obyekti yalnız mənzil və şəxsi ev ola bilər, ipoteka kreditləşməsinin məbləği bazar qiymətlərinin 85 faizini keçməməlidir, kredit üzrə aylıq ödəmə borc götürənin aylıq gəlirinin 70 faizini keçməməlidir, həyat və s. sığortalar üzrə müqavilə olmalıdır.
Texnikabank ölkənin bank bazarında 1993-cü ildən fəaliyyət göstərir və 2007-ci ilədək 100 faizlik Azərbaycan bankı kimi qalıb. Hazırda bankın majoritar səhmdarı kimi World Wines şirkəti çıxış edir. Şirkət səhmlərin 75 faizinə malikdir. Bankın Müşahidə Şurasının sədri Etibar Əliyev səhmlərin 15 faizinə, ABŞ-ın Kazimir Investment Caspian Fund şirkəti isə 10 faizinə nəzarət edir.
Noyabrın 21-nə olan rəsmi məzənnə 0,8027 AZN/USD təşkil edir.
Məqalə müəllifi ilə əlaqə ünvanı: [email protected]
