Azərbaycan, Bakı, 15 dekabr / Trend , müxbir İ.Xəlilova/
Azərbaycanda istehlak malları və xidmət tariflərinin qiyməti noyabr ayında 2009-cu ilin oktyabr ayı ilə müqayisədə 1,3 faiz, 11 ay ərzində isə ötən ilin yanvar-noyabr ayları ilə müqayisədə 1,5 faiz artıb. Bu barədə çərşənbə axşamı Dövlət Statistika Komitəsindən məlumat verilib.
Ərzaq məhsullarının qiyməti noyabrda 1,4%, qeyri-ərzaq məhsulları 0,7% və xidmət tarifləri 1,3% faiz artıb.
2008-ci ilin yanvar-noyabr ayları ilə müqayisədə ərzaq məhsullarının qiyməti 1,4 % ucuzlaşıb, qeyri-ərzaq 3,6 faiz, xidmət sahəsindəki tariflərin qiyməti isə 6,9 faiz artıb.
Noyabrda məhsul və xidmətlərin tutulmasına görə hesablanmış, mövsümi dəyişikliklərə meyilli məhsulların və dövlət tərəfindən tənzimlənən istehlak qiymətlərinin bazis indeksi keçən ayla müqayisədə 100,5% təşkil edib. 11 ay ərzində isə ötən ilin muvafiq dövrü ilə müqayisədə 101,7% olub.
Məqalə müəllifi ilə əlaqə ünvanı: [email protected]
