Azərbaycan, Bakı, 17 fevral / Trend , müxbir Ü.İsmayılova/
Azərbaycanda yanvar ayında kənd təsərrüfatı məhsullarının istehsal qiymətlərinin indeksi ötən ayla müqayisədə 0,5 faiz artıb, ötən ilin analoji dövrü ilə müqayisədə isə 4,3 faiz azalıb. Bu barədə Dövlət Statistika Komitəsi çərşənbə günü məlumat verib.
Ötən ay bitkiçilik, bostançılıq və bağçılıq məhsullarının qiyməti 0,5 faiz azalıb.
Yanvarda heyvandarlıq məhsullarının istehsal qiymətinin indeksləri ötən ilin dekabr ayı ilə müqayisədə 1,5 faiz artıb. Meşə təsərrüfatı məhsullarının qiymət indeksi dəyişməz olaraq qalıb, balıq və balıq məhsullarının qiyməti 4,7 faiz artıb.
