Azərbaycan Rəqabət Məcəlləsini parlamentin payız sessiyasında qəbul etməyə hazırdır
Azərbaycan, Bakı, 2 iyul /Trend, müxbir M.Əliyev/
Azərbaycan Parlamenti Rəqabət Məcəlləsini qəbul edilməsi prosesini payız sessiyasında başa çatdırmağa hazırdır. Bu barədə cümə günü parlamentin iqtisadi siyasət komitəsinin sədri Ziyad Səmədzadə bildirib.
"Dünyada baş verən maliyyə böhranı bu məcəlləyə yenidən baxılmasını məcbur etdi. Belə ki, hətta böhran inkişaf etmiş ölkələrdə sözügedən məcəllədə boşluqların olmasını aşkar etdi", - Səmədzadə qeyd edib. - "Mən payız sessiyası zamanı məcəllənin qəbul ediləcəyinə əminəm".
Onun fikrincə, məcəllənin qəbulu Azərbaycanın Ümumdünya Ticarət Təşkilatına qəbulunu sürətləndirəcək.
Məcəllənin qəbul edilməsi ilə bağlı yubanma İqtisadi İnkişaf Nazirliyinin strukturunda baş verən dəyişikliklər, iki departamentin birləşdirilərək onların bazasında Antiinhisar Siyasəti və İstehlakçıların Hüquqlarının Qorunması Dövlət Xidmətinin yaradılması ilə əlaqədar olub. Yeni Dövlət Xidməti 2010-cu ildə fəaliyyətə başlayıb.
Məcəllə azad və sağlam rəqabətin hüquqi təməlini və sahibkarlıq fəaliyyəti sahəsində müdafiəni müəyyən edir, ticarət və maliyyə bazarlarında fəaliyyət göstərən kənd təsərrüfatı subyektlərininin xidmətini tənzimləyir.
Layihəyə əsasən, kənd təsərrüfatı subyektinin bazarda 35 və ya daha çox faiz payı olduğu halda inhisarçı hesab edilir. Lakin bank, sığorta, lizinq xidmətləri, qeyri-hökumət pensiya sığortası bazarında inhisarçı 25 faizə sahib olan hesab edilir. Qiymətli kağızlar bazarında isə 10 faiz paya sahib olan inhisarçılar sırasına aid edilir. İnhisarçı mövqelərə malik subyektlər çatışmazlıq yarandığı halda malın (xidmətin) qiymətini əsas olmadan qaldırmaq və rəqabətli mühitin yaradılmasına mane olmaq hüququna malik deyillər.
İnhisar sahələrinə magistral boru kəməri vasitəsilə neft və neft məhsullarının nəqli, nəlqletmə üzrə xidmətlər, təbii qazın paylanması və təchizatı, istehsal üzrə xidmətlər, elektrik və istilik enerjisinin ötürülməsi və təmini, dəmir yollarının magistral və yerli xətləri, yol qurğularının istismarı və qurulması, hərəkətin tənzimlənməsi və təhlükəsizliyi üzrə fəaliyyət, dəmiryol stansiya və vağzalları, magistral avtomobil və ümumi əhəmiyyətli yolların istismarı və digər xidmətlər aid edilib.
Məcəllənin layihəsi ölkə parlamenti tərəfindən birinci oxunuşda 2006-cı ilin payızında qəbul edilmişdi.
Fevralın 18-dən martın 3-dək Azərbaycanın IV maddə üzrə icmalını aparan Beynəlxalq Valyuta Fondu ölkə parlamentinə Rəqabət Məcəlləsinin qəbul edilməsi prosesini tezləşdirməyi məsləhət görüb. Fondun missiyasının fikrincə, müvafiq qanunvericilik bazası (antiinhisar və investisiya) hökumətin neft ixracı üzrə məqsədinə nail olmaq və Ümumdünya Ticarət Təşkilatına daxil olmaq üçün lazımdır.
