...

SPECA Azərbaycan Dövlət Xəzər Dəniz Gəmiçiliyinin səlahiyyətlərinin bölünməsini təklif edir

Biznes və iqtisadiyyat xəbərləri Materials 8 İyul 2010 19:40 (UTC +04:00)

Azərbaycan, Bakı, 8 iyul /Trend/

Azərbaycan Dövlət Xəzər Dəniz Gəmiçiliyi (ADXDG) öz səlahiyyətlərini bölməlidir. Bu barədə BMT-nin Mərkəzi Asiya ölkələrinin iqtisadiyyatı üzrə xüsusi proqramının (SPECA) cümə axşamı Bakıda təqdim olunan "Azərbaycanda ticarət və insan inkişafında tələbatın qiymətləndirilməsi" adlı hesabatında deyilir.

Hesabatda deyildiyinə görə, səlahiyyətlərin bölünməsi indiyədək həyata keçirilməyib və bu məsələ həll olunmalıdır.

Hazırda DXDG-nin balansında 80 gəmi var. Gəmilərin ümumi həcmindən 43-ü tanker, yerdə qalan 37-si isə yük gəmisi və bərədir. Gəmiçiliyin fəaliyyətinin əsas həcmi Xəzər dənizi hövzəsində neft, quru və konteyner yüklərinin daşınmasıdır. Gəmiçilik Qara dənizdə də bir neçə gəmiyə malikdir. Azərbaycan digər Xəzər dövlətləri arasında daha çox sayda ticarət gəmilərinə malikdir.

İdarənin bütün gəmilərinin ümumi dedveyti 486 min tondan artıq təşkil edir.

Ümumilikdə 2009-cu ildə idarə tərəfindən müxtəlif təyinatlı 13,2 milyon tona yaxın yük daşınıb. Daşınan yüklərin ümumi həcmindən 9,86 milyon tonu tankerlərlə, 1,03 milyon tona yaxını quru yük gəmiləri ilə, yerdə qalan 2,3 milyon ton isə gəmi-bərələrlə daşınıb.

Xəbər lenti

Xəbər lenti