Bakı, Аzərbaycan, 20 iyul /Trend/
Azərbaycan Sənaye Bankı "Best Comp Group" şirkəti ilə məişət texnikasının kreditləşməsini gerçəkləşdirmək üzrə əməkdaşlığa başlayıb. Bestel-Everbest şəbəkəsində portativ kompüter, printer və ya digər texnikanı kreditlə almaq istəyən istehlakçılar əlverişli kredit şərtlərindən faydalana bilərlər.
Kompüter və yaxud hər hansı digər avadanlığı almaq üçün müştərilər 18 ay müddətinə 300 manatdan 1500 manata qədər məbləğdə ilkin ödənişsiz bank krediti götürə bilərlər.