Azərbaycan, Bakı, 11 avqust /Trend, müxbir İ.Xəlilova/
2010-cu ilin birinci yarısında Azərbaycanın strateji valyuta ehtiyatları 23,8 milyard dollar təşkil edib ki, bu da mal və xidmətlərin 35 aylıq idxalını ödəyir. Bu barədə Mərkəzi Bankın çərşənbə günü açıqlanan pul siyasəti hesabatında deyilir.
2010-cu il iyulun 1-nə görə, Mərkəzi Bankın ixtiyarında olan valyuta ehtiyatları 6 ayda 6 faiz artaraq 5,4 milyard dolları ötüb ki, bu da mal və xidmətlərin səkkizaylıq idxalını ödəyir.
Strateji valyuta ehtiyatları Mərkəzi Bankın valyuta ehtiyatlarından, ARDNF-in aktivlərindən və hökumətin depozitlərindən formalaşır.
Hələ 2008-ci ildə Mərkəzi Bank portfelin valyutasını balanslaşdırıb və hazırda onun ixtiyarında olan valyuta ehtiyatlarının 60 faizi dollarda, qalan 40 faiz isə avro və funt-sterlinqdədir.
Hazırda Azərbaycan Dövlət Neft Fondunun valyuta portfeli nisbətdə balanslaşdırılıb: dollar ekvivalentində aktivlərin 50 faizi, qalan 40 faiz isə avroda yerləşdirilməlidir. Qalan 5 faiz funt-sterlinqdə və 5 faiz bu valyutalar içərisindədir və ya yatırılıb. Rüb ərzində bu nisbət dəyişə bilər, lakin yekunlar üzrə bu həddə balanslaşdırılmalıdır.